Logotipu FOKUPERS

DILI, 04 Jullu 2019 (TATOLI)-Forum Komunikasaun ba Feto Timor Leste (FOKUPERS) oferese programa ida ho naran “Aprende liuhusi Halimar”ba labarik sira husi tinan rua too tinan neen iha knua hakiak ba Labarik (CRESSE-red).

“Ami mos iha programa seluk ne’ebé mak oferese ba ita nia oan sira ho objetivu katak edukasaun sedu ba labarik la ho violência no mós promove igualdade jéneru ba labarik sira hahú kedas husi tinan rua too tinan neen,” informa Diretora Ezekutivu FOKUPERS, Maria José Guterres, ohin, iha nia kna’ar fatin, Farol, Dili.

Programa ne’ebé fornese husi Knua Hakiak ba Labarik (CRESSE-red) ne’e  mai ho atividade importante tebes, liuliu haree ba aprende no halimar ne’ebé mak FOKUPERS hala’o iha munisípiu rua, hanesan iha munisípiu Bobonaru ho Dili.

Diretora Maria José Guterres, informa katak labarik sira ne’e mai husi funsionáriu sira nia oan nune’e mós husi inan faluk sira nia oan no inan ne’ebé mak hetan violasaun doméstika nia oan sira mak  bele asesu ba Knua Hakiak ba Labarik (CRESSE) nian.

“Estratégia ida hodi garante ba igualdade jéneru no violasaun doméstika ne’e ita investe husi labarik sira tanba ne’e kuandu labarik boot ona la ho violasaun no sira sente liberdade ba igualdade jéneru no sira ne’e mak ita bele investe ba rai doben ida ne’e,” afirma Maria José Guterres.

Jornalista  : Osória A. Marques

Editór        : Francisco Simões

HAKEREK NO HATÁN

Please enter your comment!
Please enter your name here