Plenária Parlamentu Nasionál. Imajen/António Gonçalves

DILI, 03 jullu 2019 (TATOLI) –Parlamentu Nasionál (PN), Sesta (05/07/2019),  sei deside hodi halo deliberasaun atu extende funsionamentu parlamentár.

Vise Prezidente Komisaun A ne’ebé trata asuntu Konstitusionál no Justisa, Francisco de Vansconselhos, ohin, iha uma fukun parlamentu informa lia hirak ne’e relasiona ho resesu parlamentár ne’ebé sei akontese iha 15 jullu to’o 14 setembru, tinan ne’e.

“Bainrua maka deside atu extende funsionamentu parlamentár,” informa Deputadu Francisco de Vasconselhos.

Alterasaun lei lima ho ratifikasaun fronteira marítima hanesan interese nasionál tanba ne’e tenke halo estensaun ba funsionamentu parlamentu nian maske tempu resesu.

“Lei lima bele diskute hotu, tanba artigu muda uitoan de’it, tenke halo duni tanba asuntu ne’e liga ba ratifikasaun fronteira marítima” afirma.

Normálmente PN halo resesu iha 15 jullu to’o 14 setembru, maibé iha tinan ida ne’e sei extende funsionamentu parlamentu tanba alterasaun lei no ratifikasaun ne’e importante ba nasaun ne’e.

Jornalista      : Zezito Silva

Editór            : Francisco Simões

 

HAKEREK NO HATÁN

Please enter your comment!
Please enter your name here