Xapa matríkula. Imajen espesiál

DILI, 3 jullu 2019 (TATOLI)—Ministru Transporte no Komunikasaun, José Agostinho informa, iha orsamentu tinan 2019, alokadu ona liuhusi Diresaun Nasionál Transporte Terrestre (DNTT sigla-portugés) atu prodúz karta kondusaun no xapa matríkula orijinál ne’ebé dadaun ne’e iha prosesu aprovizionamentu.

“Aproveita oportunidade ida ne’e hakarak hato’o ba públiku katak dadaun ne’e iha ona solusaun ba problema ne’e. Iha orsamentu tinan 2019 alokadu ona no ninia prosesu agora iha aprovizionamentu,” ministru ne’e ba Agência Tatoli iha Palásiu Governu, ohin.

Nia hatutan, Diresaun Aproviozionamentu haree hela asuntu ne’e tanba buat ne’e tenke tuir sistema no hein katak iha tempu badak bele responde ba situasaun ne’e ho lalais.

Governante ne’e informa, durante tinan rua ba kotuk governu la’o ho orsamentu duo-désimu entaun laiha orsamentu nune’e labele rezolve problema ne’e.

Dadaun ne’e, kliente sira preokupa ba Diresaun Nasionál Transporte Terrestre kona-ba karta kondusaun orijinál tanba hafoin sira hetan karta kondusaun provizóriu, sira seidauk simu karta kondusaun orijinál. Aleinde ne’e, peokupa mós xapa matríkula (plat-termu Indonézia) hahú husi letra L hosi númeru boot ba leten seiudak bele hetan ninia orijinalidade tanba kestaun blanku laiha.

Jornalista: Nelson de Sousa

Editór: Xisto Freitas

HAKEREK NO HATÁN

Please enter your comment!
Please enter your name here