Infrasór nain neen (6) iha rezultadu Operasaun Konjunta (OK), Domingo (30/6/2019), semana kotuk, ohin, Ministériu Públiku (MP) aprezenta ba Tribunal Distritál Dili hodi tuir Primeiru Interrogatóriu. Imajen/Espesiál CAC

DILI, 03 jullu 2019 (TATOLI)– Ministériu Públiku liu husi Prokuradór Rogerio Viegas, hateten, ho prezensa operasaun konjunta kompostu husi Komisaun Anti Korrupsaun (CAC-sigla portugés), Diresaun Nasionál Transporte no Terrestre (DNTT), Polisia Nasionál Timor Leste (PNTL) ho Diresaun Nasionál Patrimóniu Estadu (DNTE) hatudu pasu pozitivu tanba konsege minimiza movimentu veíkulu estadu hanesan  motor no karreta iha tempu ferias ou fim da semana.

Prokuradór nee observa iha terrenu, ho prezensa operasaun konjunta, hare katak movimentu karreta no motor estadu iha tempu ferias no fim de Semana komesa menus ona, se lae uza patrimóniu estadu ba objetivu privadu.

“Ha’u hanoin, foin daudauk, Primeiru-Ministru Taur Matan Ruak mós preokupa kona-ba uzu patrimóniu estadu hanesan karreta no motor iha tempu fim de semana no loron ferias tanba konsidera estraga de’it osan ba iha mina karreta no foti karreta ba vizita nia família sira iha munisípiu,” hateten Prokuradór Rogerio Viegas, ohin, iha Tribunal Distritál Dili (TDD).

Ho servisu operasaun konjunta ninia prezensa hatudu mudansa ka sinál signifikativu iha fulan kotuk liu ba, no hare katak karreta no motor estadu la para ona iha tasi ibun, la halo movimentu iha dalan públiku, la halo movimentu ba Munisípiu hodi tula família. Tanba nee, nia husu ba operasaun konjunta atu kontinua halo operasaun, hodi labele iha movimentu transporte estadu iha fim de semana no loron ferias.

Iha biban seluk, Inocêncio de J. Xavier nu’udar out richAJAR mós apresia ba operasaun konjunta tanba ho sira nia servisu, dedikasaun no disponibilidade konsege minimiza movimentu karreta ho motor estadu iha tempu ferias.

Nia mós husu ba operasaun konjunta atu mantein nafatin operasaun, atu funsionáriu estadu labele lori karreta no motor hodi estraga estadu nia osan ba kombustivel.

Jornalista       : Domingos Piedade

Editór              : Francisco Simões

HAKEREK NO HATÁN

Please enter your comment!
Please enter your name here