DILI, 3 jullu 2019 (TATOLI)­—Ministériu Saúde (MS) liuhusi Vise Ministru Dezenvolvimentu Estratéjiku Saúde no Ministru Saúde Internu, Bonifácio Maucoli dos Reis, husu ba komunidade atu labele konsumu aimoruk arbiru ne’ebé la tuir reseita médika sira.

“Ami haree agora aimoruk herbál barak tama ona iha Dili no munisípiu sira. Husu ba komunidade atu labele konsumu arbiru aimoruk bainhira la tuir reseita médika nian,”  dehan nia hafoin enkontru Konsellu Ministru iha Palásiu Governu-Dili, ohin.

Governante ne’e sujere ba komunidade atu konsumu de’it aimoruk ne’ebé iha reseita hosi médiku ka pesoál saúde sira tanba aimoruk balun iha veneno ne’ebé bele estraga saúde.

Maucoli informa katak Ministériu Saúde fó ona instrusaun ba Diresaun Nasionál Inspesaun atu kontrola aimoruk herbál sira ne’ebé  sírkula ona iha territóriu Timor-Leste.

“Ami sei halo lei rigorozu ba aimoruk herbál sira atu hatama mai iha Timor Leste tenke iha lisensa no sertifikasaun,” nia realsa.

Jornalista: Florensio Miranda Ximenes

Editór: Xisto Freitas

HAKEREK NO HATÁN

Please enter your comment!
Please enter your name here