Movimentu Kontra Okupasaun Tasi Timor (MOKTT) hala’o konferénsia imprensa iha edifisiu Asosiasaun HAK, Faról- Dili, ohin. Imajen TATOLI/Florensio Miranda Ximenes

DILI, 2 jullu 2019 (TATOLI)—Movimentu Kontra Okupasaun Tasi Timor (MOKTT) haksolok ba esforsu Governu Timor-Leste (TL) fó sinál ba Parlamentu Nasiońal (PN) atu ratifika tratadu Fronteira Marítima ho Austrália iha 30 agustu 2019.

 “Luta naruk ida ne’ebé lori ita hamutuk atu atinje besik dadauk ona. Ami konsidera ratifikasaun ne’e importante tebe-tebes,” portavóz MKOTT, Moises Soares Magno dehan liuhusi konferénsia imprensa iha Asosiasaun HAK, Faról- Dili, ohin

Portavóz ne’e husu ba VIII Governu Konstitusionál liuhusi Primeiru-Ministru, Taur Matan Ruak atu halo buat hotu tuir nia podér atu Parlamentu Timor-Leste no Austrália realiza duni ratifikasaun tratadu delimitasaun ba Fronteira Marítima.

MKOTT hakarak mós fó hanoin ba povu Timor-Leste tomak, katak iha loron 30 agostu 2019 ne’ebé Parlamentu rai rua atu ratifika tratadu, marka mós istória ida tanba iha loron ne’e TL selebra mós loron konsulta populár ba dala 20 hahú iha loron 30 agustu 1999.

Ratifikasaun tratadu Delimitasaun Fronteira Marítima asina ona iha Nova Iorke iha loron 6 marsu 2018.

Jornalista: Florensio Miranda Ximenes

Editór: Xisto Freitas

HAKEREK NO HATÁN

Please enter your comment!
Please enter your name here