Ministru Estadu Prezidénsia Konsellu Ministru, Hermenegildo Augusto Cabral Pereira. Imajen dok.TATOLI

DILI, 3 jullu 2019 (TATOLI) – Ministra Solidaridade Sosiál no Inkluzaun, Armanda Berta dos Santos aprezenta dokumentu konvensaun Multilaterál Seguransa Sosiál ba Komunidade País Lian Portugés (CPLP-sigla portugés) ba Konsellu Ministru hodi bele prepara Rezolusaun molok lori ba Parlamentu Nasionál (PN) hodi hetan ratifikasaun.

Ministru Estadu Prezidénsia Konsellu Ministru, Hermenegildo Augusto Cabral Pereira informa katak konvensaun seguransa sosiál ne’e, Ministru Negósiu Estranjeiru no Kooperasaun, Dionísio Babo asina ona iha Sekretariadu Ezekutivu CPLP iha Lisboa no sei lori mai Konsellu Ministru.

“Konvensaun ne’e uluk kedan iha Timor-Leste, nia tempu tinan rua kaer Prezidénsia CPLP nian  konkorda aprova iha Díli. Altura ne’ebá Timor-Leste la adere tanba seidauk iha Sistema Seguransa Sosiál funsionál,” nia tenik ba jornalista sira iha Palásiu Governu, kuarta ne’e.

Governante ne’e hatutan: “Dokumentu ne’e importante tanba proteze traballadTr timoroan sira bainhira serbisu iha rai seluk CPLP nian”.

Nia akresenta, nasaun ne’ebé asina ona konvensaun ne’e mak Brazil, Cabo Verde, Maçambique, Portugal no São Tomé e Prínsipe, enkuantu Timor-Leste, Angola no Guiné Equatorial seidauk asina.

Entretantu, akordu ne’e hala’o ona iha reuniaun Traballu no Asuntu SosiSo CPLP iha loron 24 jullu 2015 iha Dili no momentu ne’ebá Timor-Leste seidauk asina konvensaun ne’e tamta seidauk estabelese sistema seguransa sosiál.

Konvensaun Seguransa Sosiál hanesan akordu internasionál ne’ebé fó dalan ba traballadór sira iha kontabilizadu, independentemente iha nasaun ne’ebé sira serbisu durante vida ativa hanesan traballadór.

Nune’e mós ho modu atu evita lakon traballadór sira, nia tempu iha kareira konstrutiva no mós benefísia kontajen ba prazu garantia asesu atu habelar prestasaun sosiál husi konvensaun (Protesaun iha invalidez, idozu no mate).

Jornalista: Julia Chatarina

Editór: Rafy Belo

HAKEREK NO HATÁN

Please enter your comment!
Please enter your name here