Produtu nesesidade báziku. Imajen espesiál

DILI, 2 jullu 2019 (TATOLI)—To’o ohin loron protudu importasaun tama mai Timor-Leste la liuhusi teste laboratóriu hodi haree kualidade ka la kualidade,  tanba ne’e presiza halo teste ba produtu sira ne’e hafoin sírkula.

“Ita espera tinan ne’e ka tinan oin Ministériu Turizmu, Komérsiu no Indústria (MTCI-sigla portugés) sei estabelese Institutu Kualidade Ba Produtu Timor-Leste (IQTL-sigla portugés) atu halo kontrolu ba produtu importasaun no produtu ne’ebé prodúz iha rai laran,” informa Diretór Regulasaun Komersiál no Protesaun Konsumidór, Domingos Guterres ba Agência Tatoli iha nia kna’ar fatin, Mandarin, Dili, tersa (2/7).

 Nia hatutan, dadaun ne’e IQTL iha ona nia Komisaun Instaladora kompostu iha ema na’in tolu para instala institutu ne’e rasik ne’ebé dadaun hala’o hela serbisu.

“Tinan ne’e sira bele identifika sira-nia programa nune’e iha tinan oin ita bele iha ona laboratóriu ida ne’ebé adekuadu no mós iha laboratóriu ida bele hetan akreditasaun di’ak para bele asegura sasán importasaun tama mai Timor-Leste ka sasán ne’ebé prodúz iha rai laran tenke halo teste iha laboraroiu hodi haree nia kualidade di’ak hafoin autoriza sírkula,” Domingos esplika.

Tanba laboratóriu laiha, nia dehan, entaun buat hotu-hotu liu lahó teste iha ne’ebé sei lahatene tuir produtu ida ne’e kualidade no la kualidade.

Jornalista: Nelson de Sousa

Editór: Xisto Freitas

HAKEREK NO HATÁN

Please enter your comment!
Please enter your name here