Primeiru-Ministru, Taur Matan Ruak, prezide enkontru Konsellu Ministru iha Palásiu Governu, Kuarta, (03/07/2019). Imajen Egas Cristovão

DILI, 3 jullu 2019 (TATOLI) – Governu liuhosi reuniaun Konsellu Ministru, aprova Proposta Dekretu-Lei rua kona-ba Rejime Jurídiku Sertifikasaun Aeródomo no Prevensaun no Investigasaun ba Asidente no Insidente  Aeronave sira, ne’ebé mak aprezenta husi Ministru Transporte no Komunikasaun, José Agustinho da Silva.

Ministru Estadu Prezidénsia Konsellu Ministru, Hermenegildo Augusto Cabral Pereira hateten, Dekretu-Lei rua ne’e importante ba aviasaun.

“Diploma rua importante. Foin dadaun avioneta ida monu iha Liquiça, ita presiza Dekretu-Lei ne’e publikadu no entrada em vigor hodi Autoridade Nasionál Aeroportuáriu nian bele halo investigasaun ba asidente ka insidente sira hanesan ne’e,” nia dehan ba jornalista sira iha Palásiu Governu, kuarta ne’e.

Entretantu, Rejime Jurídiku hirak ne’e aliñadu ho kuadru normativu internasionál no hadi’a kondisaun ba konstrusaun, sertifikasaun no esplorasaun ba aeródomos sivíl nasionál no estabelese rekezitu operasionál, administrativa husi seguransa no fasilitasaun hodi aplika konstrusaun aeroportuáriu.

Jornalista: Julia Chatarina

Editór: Rafy Belo

HAKEREK NO HATÁN

Please enter your comment!
Please enter your name here