Embaixadór Repúblika Izlámika Irão iha Jakarta, Indonézia, Valiollah Mohammadi. Imajen Tatoli/Egas Cristóvão

DILI, 2 jullu 2019 (TATOLI)–Embaixadór Repúblika Izlámika Irão, residente iha Jakarta,  Valiollah Mohammadi, hasoru malu ho Primeiru-Ministru (PM), Taur Matan Ruak, hodi ko’alia kona-ba relasaun no kooperasaun entre nasaun rua.

Iha biban ne’e, Valiollah hateten Irão no Timor-Leste (TL) hanesan amigu di’ak tanba ne’e iha oportunidade no potensiál barak hodi bele halo kooperasaun.

Ami ko’alia kona-ba potensialidade ekonómiku, ne’ebé ami bele halo kooperasaun no troka delegasaun entre Irão no Timor-Leste. Iha potensialidade iha nasaun rua ne’e hodi bele halo kooperasaun, maibé rekursu umanu sei falta koñesimentu. Tanba ne’e, bainhira ita troka delegasaun, ita bele halo lakon obstáklu ne’e,” nia tenik ba jornalista sira iha Palásiu Governu, tersa (2/7).

Diplomátiku ne’e haktuir, Xefe Governu rona nia ideia no hakarak mós troka delegasaun hodi bele fahe esperiénsia ba malu.

Nune’e mós PM mensiona kona-ba dezenvolvimentu nasaun ho kontribuisaun pás no estabilidade hosi ninia povu sira.

Jornalista: Julia Chatarina

Editór: Xisto Freitas

 

HAKEREK NO HATÁN

Please enter your comment!
Please enter your name here