Embaixadór Austrália, Peter Roberts. Foto: twitter.com/ausambdili

DILI, 03 jullu 2019 (TATOLI)— Embaixadór Australia  mai Timor-Leste, Peter Robert hateten, governu Australia sei apoia osan millaun $70 ba dezenvolvimentu  Timor-Leste nian.

“Governu Australia iha programa boot purvolta  millaun $70 hodi apoia dezenvolvimentu Timor-Leste iha area oioin no Australia sei kontinua nafatin ajuda Timor-Leste,” Embaixadór Peter Robert, ohin, hafoin  partisipa reuniaun enkontru Timor-Leste Development Partners Meeting  (TLPDP) ne’ebé halo iha salaun Institutu Diplomátiku MNEK.

Nia konsidera apoia ida nee importante duni, nune’e Australia kontinua fó asisténsia ba iha governu nia prioridade hodi suporta dezenvolvimentu iha Timor-Leste.

Kona-ba enkontru Australia nian iha Timor-Leste Development Partners Meeting (TLPDPM) diplomata Australia nee hateten, nia parte ho ekipa embaixada Australia nian halo enkontru ho MNEK iha enkontru TLPDM nee hodi afirma asisténsia dezenvolvimentu Australia nian ba Timor-Leste nia dezenvolvimentu.

“Ha’u koordena ona ho ministériu hothotu katak, Australia prontu fó asisténsia ba futuru planu Timor-Leste nian,” Peter Robert hateten.

Nia realsa liu tan, ba oin  Australia hatudu nafatin nian prontidaun atu kontinua ajuda governu Timor-Leste nian programa.

Jornalista       : Natalino Costa

Editór             : Francisco Simões

HAKEREK NO HATÁN

Please enter your comment!
Please enter your name here