Rezultadu Ezekusaun OJE 2019 Komandu PNTL (www.budgettransparency.gov.tl)

DILI, 02 jullu  2019 (TATATOLI)-Komandu Polisia Nasionál Timor Leste (PNTL) ezekuta Orsamentu Jerál Estadu (OJE) 2019  nian too ona porsentu 40,8.

Diretór Finansas Polisia Nasional Timor Leste (PNTL), Superintendente Asistente, Basilio de Jesus. Imajen/Eugénio Pereira

Relatóriu ezekusaun orsamentu ne’ebé Ajénsia Tatoli asesu husi Portál Transparénsia Governu Timor-Leste (www.budgettransparency.gov.tl) haktuir ezekusaun OJE PNTL 2019 ho montante orijen tokon $34,341,878.00, Kompromisu $4,193,154.09, Obrigasaun sira, $337,38.54, Atuál, $13,681,256.66, Saldu $16.130.078.71 no Ezekusaun 40.8%.

“Ezekusaun orsamentu jerál 2019 too 30 de juñu tama ona 40,8 %,” informa Diretór Finansas PNTL, Superintendente Asistente, Basilio de Jesus ba jornalista, ohin,  iha Kuartél Jerál PNTL,  Caicoli, Dili.

Kona-ba OJE 2020, Diretór Basilio esplika, Komandu seidauk serteza didi’ak totál montante hira mak sei propoin, tanba Komandu  foin hahú hala’o enkontru preparasaun Planu Asaun Anuál (PAA) no Submisaun Orsamentu Jerál Estadu (OJE) 2020.

Basilio fiar katak, molok too 31 dezembru 2019 ezekusaun orsamentu bele atinje ona porsentu 100.

“Pakote fiskál OJE 2019 tokon $34 liu, agora pakote 2020 ne’e sei mantein ou aumenta ka menus, ne’e sei dependente ba programa ne’ebé sei diskute,” hateten Basilio.

Jornalista      : Eugénio Pereira

Editór            : Francisco Simões

HAKEREK NO HATÁN

Please enter your comment!
Please enter your name here