PN liuhosi reuniaun Plenária Ordinária, Tersa (14/5/2019), aprova ona rezolusaun kona-ba komemorasaun loron mundiál ba família ne’ebé monu iha loron 15 maiu, tinan-tinan. Imjan/Media PN

DILI, 02 jullu 2019 (TATOLI) – Rejimentu Parlamentu Nasionál nian atribui direitu periodu resesu fulan rua nia laran ba membru PN sira. Ho nune’e, membru PN iha V lejizlatura sei halo resesu parlamentár iha loron 15 jullu to’o 14 setembru. Maibé, tanba interese estadu nesesita atu halo alterasaun ba lei no ratifikasaun ba akordu delimitasaun fronteira marítima nian, maka Deputadu Parlamentár sira tenke sakrifika sira nia periodu resesu ne’e.   

Deputada Maria Angelina Sarmento

“Tuir rejimentu parlamentu nian, resesu iha 15 jullu to’o 14 setembru, maibé haree ba nesesidade no prioridade Estadu nian, deputadu sira prontu sakrifika sira iha tempu periodu resesu atu debate lei no halo ratifikasaun,”  hateten Vise Prezidente PN, Maria Angelina Sarmento, ba jornalista sira, ohin iha Parlamentu Nasionál.

Nia hatutan, deputadu sira prontu atu sakrifika sira nia tempu iha momentu resesu fulan rua, maibé fulan ida nia laran fó biban ba deputadu sira hodi halo diskusaun kle’an liután kona-ba lei lima hodi halo alterasaun, nune’e fó biban mós ba governu hodi halo servisu liga ba kompeténsia ezekutivu nian.

“Parlamentu bele halo maka sakrifika, hamenus tempu resesu nian fulan rua ba fulan ida atu nune’e deputadu sira bele halo diskusaun ba lei sira ne’ebé prioridade ba nasaun,” hateten Deputada Angelina Sarmento.

Nia esplika, Timor-Leste nia fonte reseita maka mina, se Estadu la konkorda iha periodu ne’e nia laran, signifika sei prejudika mós kompañia sira ne’ebé halo esplorasaun mina iha tasi laran.

Tuir informasaun ne’ebé PN simu maka tarde liu, iha loron 8 jullu lei hirak ne’e governu haruka ona ba PN, atu bele uza tempu fulan ida tomak hodi halo debate iha jeneralidade no espesialidade, hafoin enkamiña ba Prezidente Repúblika atu promulga ka la’e, tanba ida ne’e kompeténsia órgaun ida-idak nian.

Jornalista      : Zezito Silva

Editór            : Francisco Simões

HAKEREK NO HATÁN

Please enter your comment!
Please enter your name here