Saudozu Samba 9. Imajen Mídia PR

LIQUIÇÁ, 1 jullu 2019 (TATOLI)—Prezidente Konsellu (KJ) Juventude Munisípiu Liquiçá, Laurindo dos Santos, sei mobiliza joven no komunidade iha munisípiu refere atu partisipa serimónia fúnebre saudozu Jaime Ribeiro alias Samba 9.

“Ami koordena ona ho Komisaun Omenájen atu mobiliza joven no komunidade iha munisípiu ida ne’e hodi partisipa iha serimónia haloot ka funerál aman lutadór ida ne’e,” Laurindo ba Agência TATOLI, iha Suku Ulmera, Postu Bazartete, Munisípiu Liquiçá, segunda (1/7) kalan.

Nia hateten, sira mós sei koordena ho autoridade munisipál atu bele hasa’e bandeira nasionál iha meiu mastru (setengah tiang-termu Indonézia), nu’udar sentidu kondolénsia kle’an ba saudozu tanba saudozu ne’e luta na’in tinan 24 ai-laran.

Laurindo informa, saudozu Samba 9 hanesan Liquiçá, entaun Liquiçá oan sira tenke hato’o agradesimentu ba nia luta.

“Luta durante tinan 24 iha ai-laran la’ós fásil hanesan ha’u ko’alia dadaun. Ita lahatene terus, susar no sofre hanesan saida mak nia luta, tanba sira-nia luta, agora ita hatutan sira-nia luta ne’e ba futuru,” nia esplika.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here