Prezidente CI, Virgílio da Silva Guterres ho ezekutivu CI foto hamutuk ho membru Dewan Pers Indonézia iha ámbitu formasaun kona-ba monitorizasaun no atendementu keixa iha Dewan Pers Indonézia, iha Jakarta. Imajen/CI

JAKARTA, 02  jullu 2019 (TATOLI)- Estrutura ezekutivu Conselho de Imprensa de Timor-Leste (CI) hamutuk ema na’in 11 tuir estájiu profisionál durante semana rua iha Jakarta – Indonesia.

Ekipa Conselho de Imprensa de Timor-Leste hobserva diretamente Dewan Pers Indonézia halo mediasaun ba disputa entre mídia ho públiku ne’ebé involve mídia boot 15 hasoru ema ho figura públiku Ida. Mídia 8 mak marka prezensa no 7 seluk ne’ebé la mai sei hetan xamada. Imajen/CI

“Treinamentu ne’e atu aumenta koñesimentu membru CI, kargu Diretores no ofisias sira CI ninian seluk iha área monitorizaun no  atendimentu keixa,” informa Diretora Ezekutiva CI,  Ana Teresa Sequeira, ohin, iha salaun servisu temporariu ba ekipa CI iha Kebon Siri, Jakarta.

Ana Teresa Sequeira esplika katak, semana dahuluk, husi segunda to’o sesta  (01-05/07/2019), delegasaun husi CI sei apriende kona-ba sistema adminitrasaun simu keixa no monitorizaun, ne’ebé materia treinamentu ne’e sei hato’o husi ofisias Dewan Pers Indonesia –DPI (Conselho Imprensa Indonézia) inklui peritu husi mídia.

Semana daruak nian sei kontinua estájiu iha Lembaga Bantuan Hukum Pers (LBH Pers), iha Jakarta do Soul, ne’ebé materia treinamentu ne’e sei foka liu kona-ba Advokasia, Atendimentu disputa mídia, Liberdade Espresaun, Koloborasaun jornalistika no Advokasia ba defende liberdade imprensa no mós matéria sira seluk tan.

Atividade ne’e hala’o bazeia ba orsamentu ne’ebé aloka tuir planu asaun anuál CI nian ba tinan 2019, husi Fundus Desenvolvimentu Kapital Umanus ho total dolares amerikanu Rihun Rua Nulu Resin.

Kuadru CI ne’ebé partisipa iha programa ne’e kompostu Prezidente, Virgílio da Silva Guterres,  ho membru CI na’in rua; José Ximenes ho Paulo da Cruz de Araújo,  Diretora Ezekutiva, Ana Teresa Sequeira, Diretór Diresaun Justisa no Apoiu Liberdade Imprensa, Diretór Analiza no Desenvolvimentu Mídia, Diretór Diresaun Komunikasaun Sosiál, Relasaun Institusionál no Koperasaun inklui ofisiáis CI nain hat sira seluk.

Atividade ne’e hanesaan programa kapasitasaun ba kuadru CI, ne’ebé iha fulan maiu tinan 2017 iha mós treinamentu kona-ba mediasaun ne’ebé hala’o iha  Pusat Mediasi Nasional (PMN), Jakarta.

Programa kapasitasaun ne’e ho hanoin atu kuadru CI sira iha koñesimentu no hetan sertifikasaun hodi halo mediasaun ba disputa no keixa hirak ne’ebé públiku hato’o relasiona ho jornalista no mídia nia servisu.

Komunikadu            : Conselho Imprensa

Edisaun                     : Francisco Simões

HAKEREK NO HATÁN

Please enter your comment!
Please enter your name here