Rafael Marti

DILI, 1 jullu 2019 (TATOLI)—Hanesan informasaun ne’ebé Agência Tatoli asesu hosi Mídia LFA, ohin, katak jogadór ho nasionalidade brazileiru ne’ebé dadaun ne’e reforsa Boavista FC Timor, Rafael Marti (9), kandidatu forte ba mellór markadór ho golu 8, hafoin kompleta jornada lima iha jogu kontinuasaun Liga Futeból Amadora (LFA) époka 2019 seman liu-ba ne’e.

Aleinde Rafael, iha mós jogadór timoroan, Edit Savio, aperta tuir hela ho golu 5. Eis jogadór Boavista FC Timor ne’e dadaun ne’e reforsa hela klube promovidu Assalam FC hosi joga dala lima.

Totál jogu Primeira Divizaun hamutuk jornada 14. Primeira faze jogu dala 7, nune’e mós segunda faze. Entretantu, iha mós jogadór seluk hanesan Ismaeil Adam (17) hosi Lalenok United marka ona golu 4. Yohanes Kapitan (12), Italo Pimental (28), Elias Freitas (10) hosi Lalenok United), Silveiro Garcia (27) hosi AS Ponta Leste, Mauzinho Barreto (10) hosi AD SLB, João Xavier (22) hosi Atlético Ultramar golu 3.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here