DILI, 01 jullu 2019 (TATOLI)-Prezidente Repúblika, Francisco Guterres Lú Olo, ohin, hala’o viajen ba Kuala Lumpur, Malázia, hodi hala’o tratamentu saúde.
Tuir ajenda Prezidente Repúblika nian ne’ebé Ajénsia Tatoli asesu husi Gabinete Prezidénsia Repúblika, haktuir katak, Xefe Estadu Lú Olo, sei auzente husi territóriu nasionál, hahú husi loron 1 to’o loron 5 jullu 2019.
Tuir Konstituisaun RDTL artigu 80, konjugadu ho artigu 10 husi Estatutu Titulares Órgaun Soberania, Prezidente Repúblika, fó koñesimentu ba Parlamentu Nasionál bainhira husik territóriu nasionál. Prezidente Repúblika informa tiha ona ba Parlamentu Nasionál, nune’e. Prezidente Repúblika Francisco Guterres Lú Olo, sei fila fali mai Dili, Timor-Leste, iha loron 5 jullu 2019.
Jornalista : Eugénio Pereira
Editór : Francisco Simões