Ministra Edukasaun Juventude no Desportu (MEJD), Dulce de Jesus Soares. Imajen/ Fundasaun Alola

DILI, 1 jullu 2019 (TATOLI)—Ministra Edukasaun Juventude no Desportu, Dulce de Jesus Soares hateten Ministériu Edukasaun iha ona planu atu halo sasukat ba rekursu umanu iha Timor-Leste liliu iha área edukasaun nian liuhosi uza sistema base line.

Sistema ida ne’e, nia esplika, atu bele identifika loloos persentajen rekursu umanu ne’ebé adekuadu iha Timor-Leste nune’e bele kontribui di’ak liu-tan ba prosesu dezenvolvimentu iha rai laran.

Tuir nia katak kada tinan iha graduadu purvolta rihun 15 hosi rihun 200 mai hosi ensiñu sekundáriu, entaun bainhira ko’alia kona-ba kualidade, sasukat ida maka uza ezame nasionál maibé ministériu kontinua halo avaliasaun ba rezultadu sira ne’e hotu nune’e bele iha loos base line ida.

“Tinan ida ne’e karik ministériu sei hasai base line ida para ita bele haree kualidade hosi ne’e nune’e ita halo intervensaun sira ne’e ita bele halo mudansa saida maka sai problema,” nia dehan iha edifísiu CNE, Dili, ohin.

Governante ne’e fundamenta katak atu garantia kuliadalidade rekursu iha edukasaun maka tenke fó prioridade ba profesór sira tanba profesór sira maka pontu importante ba garantia kualidade edukasaun.

Ministra Dulce hatutan, presiza mós fó prioridadade ba iha infraestrutura matéria hodi apoia kurríkulu.

Jornalista: Natalino Costa

Editór: Xisto Freitas

HAKEREK NO HATÁN

Please enter your comment!
Please enter your name here