iklan

SAÚDE

Profisionál Saúde Tenke Akompaña Inan Isin Rua

Profisionál Saúde Tenke Akompaña Inan Isin Rua

Diretóra Jerál Prestasaun Saúde Ministériu Saúde (MS), Odete da Silva Viegas. Imajen Egas Cristovão

DILI, 4 juñu 2019 (TATOLI) – Diretora Jerál Prestasaun Saúde, Odete Viegas, husu ba profisionál saúde sira halo akompañamentu ba inan isin rua sira, nune’e iha tempu partu labele akontese buat ruma ne’ebé afeta ba sira nia saúde.

“Ha’u hakarak husu ba profisionál saúde sira atu akonsella inan isin rua sira bainhira mai klínika ka sentru saúde sira tenke la’o tuir sira”, Odete Viegas ba jornalista sira iha otél Timór, tersa (4/6/2019).

Maske nune’e, Diretora Jerál Prestasaun Saúde esplika Governu hamutuk ho parseiru ida hodi estabelese programa ida hanaran liga inan.

“Objetivu hosi programa ne’e katak bainhira inan isin rua sira la ba fali klínika ka sentru saúde profisionál saúde sira diretamente kontaktu inan sira, ne’e hanesan meius ida ne’ebé maka Ministériu Saúde ho parseiru sira halo hela atu bele kontribui atu redús númeru mortalidade no mobilidade”, afirma Odete.

Iha parte seluk, Odete Viegas dehan dala barak inan sira fó susubeen formula ba sira nia oan, la’ós tanba sente seguru liu maibé tanba seidauk iha koñesimentu.

“Atu hateten katak inan sira la sente seguru ho fó susubeen formula, maibé sira seidauk iha koñesimentu kle’an, tanba ami haree hosi parte ne’ebé bele fó vantajen ba sira maka normálmente inan sira ne’e servisu entaun buat ne’ebé prátiku para lalais ne’e maka susubeen formula, maibé sira lahatene katak formula ne’e ingrediente ne’ebé maka kímiku mós iha ona, más susubeen inan nian ne’e susubeen ida ne’ebé maka nutrisaun ne’ebé kompletu”, katak nia.

Tan ne’e, Odete Viegas subliña governu liu hosi Ministériu Saúde presiza fahe informasaun ba inan sira, li-liu ba komunidade ne’ebé idade produtivu para hatene loloos katak susubeen formula ne’e la’ós dehan di’ak liu ona.

“Ami nia profisionál saúde sira presiza haforsa iha advokasia no diseminasaun informasaun, liuliu ba inan sira produtivu”, dehan Odete.

Jornalista: Antónia Gusmão

Editora: Rita Almeida

http://www.tatoli.tl/2019/06/susubeen-lata-provoka-moras-kroniku-ba-labarik/

iklan
iklan

Leave a Reply

iklan
error: Content is protected !!