Sekretáriu Estadu Kooperativa, Arsenio Pereira da Silva. Imajen TATOLI/Egas Cristovão

DILI, 27 juñu 2019 (TATOLI)—Sekretáriu Estadu Kooperativa (SECoop-sigla portuges), Arsénio Pereira, hateten setór kooperativa iha rai laran forte bele kontribui ba prosesu dezenvolvimentu ekonomia iha rai laran.

Arsénio ko’alia asuntu ne’e liuhusi programa talk show organiza hosi Ministériu Justisa ne’ebé hala’o iha Sentru Konvensaun Dili (CCD-sigla portuges), kinta ne’e, iha ámbitu komemora aniversásiu Komisaun Funsaun Públika ba dalima.

Prezensa Sekretáriu Estadu Kooperativa ho objetivu partilla informasaun kona-ba prosesu dezenvolvimentu kooperativa, prosesu atu involve iha kooperativa, baze legál no fasilita ema ne’ebé atu asesu liuhosi grupu kooperativa.

“Ita fiar katak involvimentu ema hotu-hotu iha kooperativa sei la depende ba buat barak. Kooperativa ne’e katak ita koopera malu, tau forsa hamutuk, fiar malu no rona malu to’o ikus mai ita rasik mak na’in ba grupu kooperativa ne’e,” Arsénio esplika.

Nia dehan, bainhira grupu kooperativa sira funsiona ho avansu bele aselera dezenvolvimentu ekonomia iha rai laran. Nune’e mós bele loke dalan ba setór seluk dezenvolve aan.

Eis Diretór FONGTIL ne’e esplika, grupu kooperativa iha rai laran la’o di’ak, ema hotu sei moris ho nesesidade ne’ebé exelente.

Iha talk show ne’ebé modera hosi Xefe Xepartamentu Apoiu Téknika Produsaun no Merkadoria, Jacinta dos Santos ne’e, Sekretáriu Estadu Kooperativa Arsénio Pereira, ko’alia kona-ba polítika governu nian ba setór kooperativa iha Timor-Leste, Xefe Departamentu Planeamentu no Programa, Natália Rocha, lori matéria kona-ba rejistrasaun atu sai grupu kooperativa ka baze legál sira no Xefe Departamentu Fortalesimentu Setór Kooperativa, Reinaldo Borges, esplika kona-ba jestaun harii grupu kooperativa.

Partisipa iha talk show ne’e mai hosi reprezentante instituisaun estadu nian hanesan PCIC, PDHJ, SEKOMS, hosi SECoop rasik, Ministériu Justisa, KFP no seluk-tan.

Jornalista: Evaristo Soares Martins

Editór: Xisto Freitas

1 KOMENTÁRIU

HAKEREK NO HATÁN

Please enter your comment!
Please enter your name here