iklan

NASIONÁL, POLÍTIKA

MRLAP Iha Mandatu Haree Ba Reforma No Inovasaun Administrasaun Públiku

MRLAP Iha Mandatu Haree Ba Reforma No Inovasaun Administrasaun Públiku

MRLAP,Fidelis Magalhaes.Imajen Antonio Goncalves

DILI, 28 juñu 2019 (TATOLI) –Ministériu Reforma Lejizlativa no asuntu Parlamentár  (MRLAP) iha mandatu ida ne’e haree liu ba reforma lejizlativa no inovasaun administrasaun públiku.

“MRLAP haree ba reforma no inovasaun administrasaun públiku hotu, atu nune’e, reforma sira ne’e bele iha inter ligasaun atu ajuda ita hodi implementa,” hateten Ministru Reforma Lejizlativa no asuntu Parlamentár, Fidelis  Manuel Leite Magalhães ba jornalista sira, ohin, hafoin reuniaun inaugural ba mekanizmu parlamentár ba efikásia no ajudu ho tema “Harii Hamutuk” iha Ministériu Finansa.

Ministru Fidelis Magalhães esplika katak, planeamentu MRLAP nian iha faze agora maka halo ona destakamentu pontu fokál sira, liuhusi identifikasaun ema iha ministériu sira atu serbisu hamutuk liuhusi koordenasaun ho MRLAP.

MRLAP halo ona mak hahú husi rezolusaun governu nian, kona-ba organizasaun reforma judisiáriu nian no iha mós rezolusaun governu nian kona-ba reforma lejizlativa.

Fidelis esplika, servisu MRLAP mós estabelese ona regra lojístika, hanesan regra ida tau rekizitu uainhira prepara lei no oinsá hakerek lei, dokumentu laran mós impoin lei foun depois lei ne’e tama ba vigor.

Jornalista      : Zezito Silva

Editór            : Francisco Simões

iklan
iklan

Leave a Reply

iklan
error: Content is protected !!