Ministru Reforma Lejizlativa no asuntu Parlamentár, Fidelis Manuel Leite Magalhães. Imajen/António Gonçalves

DILI, 28 juñu 2019 (TATOLI) – Ministru Reforma Lejizlativa no asuntu Parlamentár, Fidelis Manuel  Leite Magalhães, klarifika katak, informasaun ne’ebé dehan Timor-Leste (TL) atu halo empréstimu husi Xina ho montante billion $11 ba esplorasaun greater sunrise, ida ne’e la refleta polítika governu nian.

“Ha’u mós haree katak informasaun ne’e espalla duni, maibé ida ne’e ema maka hakerek, maibé la refleta polítika governu,” afirma Ministru Fidelis Magalhães, ba Ajénsia TATOLI, ohin, iha Ministériu Finansa.

Ministru Fidelis Magalhães salienta katak informasaun ne’e ema akadémiku balun maka hakerek iha Australia, maibé governu rasik seidauk hatene kona-ba asuntu empréstimu ida ne’e.

Iha fatin hanesan Prezidente Parlamentu Nasionál, Arão Noe de Jesus Amaral, dehan, nia seidauk rona informasaun ruma husi governu kona-ba asaun empréstimu ne’e.

“Ha’u hanesan Prezidente Parlamentu hakarak fó komentáriu ho buat ne’ebé ofisial, se informasaun preliminariu de’it maka atu fó sai ba públiku, ida ne’e orasida ita ko’alia sala,” hateten Prezidente PN, Arão Noe de Jesus Amaral.

Jornalista      : Zezito  Silva

Editór            : Francisco Simões

HAKEREK NO HATÁN

Please enter your comment!
Please enter your name here