Primeiru-Ministru, Taur Matan Ruak. Imajen Tatoli/Egas Cristóvão

DILI, 27 juñu 2019 (TATOLI)–Primeiru-Ministru (PM), Taur Matan Ruak, informa sei iha programa komunitáriu foun tolu iha Programa Nasionál Dezenvolvimentu Suku (PNDS) ba suku 452 iha territóriu tomak.

“Horibainhira ha’u ko’alia ona ho diretora PNDS katak programa komunitáriu bainhira ita halo fazeada seidauk to’o no ha’u nia desizaun ita tau  iha suku 452 dala-ida de’it. Ami iha programa tolu ba suku sira. Kada suku ami koloka orsamentu $30.000,” nia dehan iha Sesaun Traballu Jornada Orsamentál iha salaun Ministériu Finansa, Aitarak-Laran, kinta ne’e.

Nia esplika, programa suku ba feto sei prevee $10.000 ba kada suku hodi bele hadi’a ekonomia família, kombate violénsia doméstika no kombate mal nutrisaun.

“Imi hotu ne’ebé hakarak asesu ba fundu ida ne’e, tenke organizadu. Enkuantu organizadu bele mobiliza. Subsídiu ida ne’e uma vez para tua vez,  katak ha’u fó kail ba ita-boot, ba kaer ikan, han mak ikan, kail labele han, entaun pasa fali ba ema seluk tanba kail hotu ikan hotu,” nia katak.

Programa seluk mak ba joven sira tanba joven sira iha suku iha misaun seguransa, limpeza no ekonomia no ikus liu programa ba ferik katuas sira iha suku.

Jornalista: Julia Chatarina

Editór: Xisto Freitas

Lee mós notísia ida ne’e: http://www.tatoli.tl/2019/06/tinan-2020-pnds-hakarak-reve-matadalan-implementasaun-programa/

HAKEREK NO HATÁN

Please enter your comment!
Please enter your name here