Prezidente Parlamentu Nasionál, Arão Noe de Jesus. Imajen/António Gonçalves

DILI, 26 juñu 2019 (TATOLI)–Prezidente Parlamentu Nasionál (PPN), Arão Noé de Jesus informa iha ezbosu Lei Antí Korrupsaun (LAK) ne’ebé Komisaun A trata asuntu Konstituisaun no Justisa diskute hela, sei hamosu kapítulu deklarasaun bens (deklarasaun rikusoin) ne’ebé la’ós de’it ba órgaun soberanu sira.

“Komisaun A iha diskusaun hela no sira to’o ona iha artigu 22. Sira hamosu tan kapítulu foun balun kona-ba deklarasaun rikosoin, ne’ebé la’ós de’it ba órgaun soberanu sira maibé to’o kargu xefia sira. Iha mós kapítulu prevensaun,” nia dehan ba jornalista sira hafoin hasoru malu ho Xefe Estadu, Francisco Guterres Lú Olo, iha Palásiu Prezidente Nicolau Lobato, Bairru Pité, kuarta ne’e.

Tanba ne’e, tuir PPN, lei ne’e sei to’o artigu 100 resin hosi inísiu artigu 47, tanba Komisaun A aumenta kapítulu foun lubuk ida duké halo lei keta-ketak.

“Komisaun A nia hanoin katak asuntu sira ne’e trata iha lei ida. Ha’u hein katak Komisaun bele konklui lalais para bele tama iha vigór iha tempu badak,” nia tenik.

Jornalista: Julia Chatarina

Editór: Xisto Freitas

Lee mós notísia ida ne’e: http://www.tatoli.tl/2019/03/pn-aprova-testu-substitutivu-projetu-lei-anti-korrupsaun-iha-jeneralidade-ho-unanimidade/

http://www.tatoli.tl/2019/05/prioridade-pn-iha-2019-kona-ba-lejislasaun-mak-konklui-lei-anti-korrupsaun/

http://www.tatoli.tl/2019/06/diskusaun-ba-projetu-lei-anti-korrupsaun-lao-hela/

http://www.tatoli.tl/2019/06/artigu-balun-iha-projetu-lak-sei-halakon-direitu-politiku-ba-korruptor-sira/

 

HAKEREK NO HATÁN

Please enter your comment!
Please enter your name here