Primeiru-Ministru, Taur Matan Ruak, prezide reuniaun Konsellu Ministru iha Palásiu Governu, Dili, Kuarta (26/06/2019).

DILI, 26 juñu 2019 (TATOLI)Ministru Estadu Prezidénsia Konsellu Ministru, Hermenegildo Augusto Cabral Pereira, informa Konsellu Ministru aprova ona Proposta Dekretu Governu ne’ebé aprezenta hosi Ministériu Edukasaun, Juventude no Desportu (MEJD) kona-ba kustu transporte ba ajente ne’ebé asumi funsaun iha prosesu aprendizajen.

“Diskute kona-ba ajuda kustu ba dosente, dirijente eskolár, funsiunáriu no ajente sira ne’ebé dezempeña funsaun ba estabelesimentu ensiñu nian iha edukasaun pre-eskolár, ensiñu báziku no sekundáriu públiku,” nia tenik ba jornalista sira iha Palásiu Governu, kuarta ne’e, hafoin ramata reuniaun Konsellu Ministru.

Tuir governante ne’e, durante ne’e iha ajudu kustu maibé la inklui transporte, tanba ne’e ohin ho aprovasaun Dekretu Governu ne’e autoriza MEJD fó subsídiu ba transporte. Subsídiu ne’e ba akadémiku sira iha munisípiu hotu inklui Rejiaun Administativa Espesiál Oé-Cusse Ambeno (RAEOA).

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here