Jogadór Santa Cruz FC festeja vitória ohin lorokraik. Imajen Mídia LFA

DILI, 25 juñu 2019 (TATOLI)—FC Lero mehi hakarak hamriik metin iha Segunda Divizaun maibé la sai realidade.

Liuhusi jogu kontinuasaun Grupu B Segunda Divizaun Liga Futeból Amadora (LFA) époka 2019 ne’ebé hala’o iha Kampu Demokrasia, Bairru Formosa, Dili, ohin lorokraik,  Santa Cruz FC tidin FC Lero ho golu 2-0, halo ekipa ne’e (FC Lero) tenke tuun ba Terseira Divizaun.

Golu ba Santa Cruz prodúz hosi jogadór Linga Faundu (9) iha minutu 51 no 73. Jogu refere dirije hosi árbitru Nívio Fernandes, juiz liña Filomeno da Silva, Elísio Reis no árbitru rezerva, António Fatima.

Hosi vitória ne’ebé Santa Cruz hetan, ba jornalista sira, treinadór Luís Simões hateten, nia sente orgullu loos tanba sira bele sai hosi liña mean.

“Antes ha’u mai, Santa Cruz lakon dala ida ona. Ha’u esforsu maka’as treinu jogadór sira no iha jogu rua ikus ne’e ami konsege ultrapasa,” nia haktuir.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here