DILI, 24 juñu 2019 (TATOLI)“Laiha sala bainhira mehi sai mellór jogadór mundiál. Ninia xave, koko bebeik atu sai ida ne’ebé di’ak liu. Ha’u sei halo esforsu ida maka’as atu atinje mehi ida ne’e tuir ha’u-nia kbiit rasik—Tidak ada salahnya bermimpi menjadi pemain terbaik dunia. Intinya, selalu mencoba untuk menjadi yang terbaik. Aku akan terus bekerja keras untuk mencapainya sesuai kemampuanku (Cristiano Ronaldo).

Liafuan motivasaun hosi Cristiano Ronaldo iha leten, motiva tebes jogadór timoroan ida ne’e. Hahú hosi mehi hakarak sai mellór markadór, justifikadu. Mehi sai realidade. Nélson Freitas, jogadór hosi Aitana FC, sai mellór markadór iha jogu Segunda Divizaun Liga Futeból Amadora (LFA) époka 2019 ho golu 10.

Sai mellór markadór la’ós ema hotu bele. Ne’e vokasaun ida. Se ne’e fásil karik, jogadór sira seluk iha LFA mós bele sai mellór markadór hotu. Maibé la’ós ida ne’e. Atu sai mellór jogadór, xave ida de’it. Tenke koko bebeik atu sai ida ne’ebé di’ak liu hanesan Cristiano Ronaldo hateten.

Nélson nia esesu ne’e, lori mós Aitana FC hatuur hikas iha ninia fatin loloos, fatin Primeira Divizaun.

Jogadór seluk ne’ebé nia golu barak tuir Nélson mak Tore Kaba, nasionalidade Gana, hosi klube Nagardjo ho totál golu 8.

Aleinde ne’e, Runen Borges hosi klube DIT dadaun ne’e mós atinje golu 5 hosi jogu dala haat no DIT sei termina nia jogu ikus ho Sporting Clube de Timor iha tempu besik. Iha jogu refere Ruben hatama golu neen (6) ba leten, entaun nia bele dudu sees ona Nélson.

Entretantu, mellór markadór provizóriu jogu Primeira Divizaun, Rafiel Marti hosi Boavista de Timor atinje golu 6, Edit Sávio hosi Assalam FC golu 4, Ismael Adam hosi Lalenok United golu 4. Yohanes Kapitan, Italo Pimental, Elias Freitas (Lalenok United), Silveiro Garcia (AS Ponta Leste), Mauzinho Barreto (AD SLB) João Xaviel (Atlético Ultramar) foin atinje golu 3.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here