DILI, 21 juñu 2019 (TATOLI)Federasaun Boxe Amadór Timor-Leste (FBATL), realiza kampionatu nasionál ho objetivu halo selesaun ba boxista potensiál sira nune’e partisipa iha eventu internasionál Sea Games.

“Ami hakarak halo selesaun ba boxista ne’ebé atu ba tuir iha eventu internasionál, liliu Sea Games ne’ebé sei akontese iha Filipina. Sira ne’ebé liu ona iha selesaun tama ona iha alvu para aban bainrua iha selesaun finál sei desidi sé-sé mak atu ba kompete iha Filipina,” Sekretáriu Jerál FBATL, Custódio Soares da Costa, ko’alia ba Tatoli iha nia kna’ar fatin, Benfica, Dili, ohin.

“Ami-nia objetivu haree liu-ba oportunidade iha eventu internasionál, tanba iha ne’ebá garante prestasaun Boxista Timor nian no lori mós Timor ba mundu,” nia hatutan.

Sekretáriu Jerál FBATL ne’e seidauk bele fó sai boxista balun ne’ebé liu ona selesaun, tanba sei iha tan selesaun finál hafoin ba partisipa iha Manila, Filipina.

Jornalista: Evaristo Soares Martins

Editór: Xisto Freitas

Lee mós notísia ne’e: http://www.tatoli.tl/2019/06/sejd-forma-ekipa-akompana-preparasaun-ba-eventu-sea-games/

 http://www.tatoli.tl/2019/05/atleta-43-sei-partisipa-sea-games-iha-filipina/

 

HAKEREK NO HATÁN

Please enter your comment!
Please enter your name here