iklan

NASIONÁL, DILI

Sarani Hotu Tenke Hatene Sentidu Corpo de Deus

Sarani Hotu Tenke Hatene Sentidu Corpo de Deus

Pe. Agustinho de Jesus Soares, SDB. Imajen espesiál

DILI, 20 juñu 2019 (TATOLI)—Selebrante misa Corpo de Deus, Pe. Agustinho de Jesus Soares, SDB, hateten sarani hotu tenke hatene no kompriende didi’ak sentidu Corpo de Deus.

“Sarani hotu tenke hatene no kompriende didi’ak sentidu Corpo de Deus ka Corpo de Sangue e Cristo, tanba ita simu Jesus nia isin ho raan. Ida ne’e katak ita simu Nia isin no raan rasik. Ida ne’e ita kompriende lai depois mak fiar no hametin liu-tan fiar ne’e,”  Padre Agustinho dehan iha nia omília iha Igreja Maria Auxiliadora, Komoro, ohin.

Padre ne’e esplika, ho misa Corpo de Deus ne’e, sarani hotu tenke hatene fiar mak Sakramentu Eukaristia, tanba sakramentu ida ne’e sai sentru ba sakramentu hotu-hotu. Sarani sira-nia moris hetan iis ho kbiit hosi Sakramentu Eukaristia.

“Ita presiza refleta uituan katak Sakramentu Eukaristia nu’udar Sakramentu Unidade—unidade ita ho Maromak no ita ho ita, tanba ita simu Sakramentu Eukaristia liuhosi meza altár,” Pe. Agustinho haklaken.

Nia esklarese, Sakramentu Eukaristia ida ne’e nu’udar Sakramentu Sakrifísiu tanba liafuan hirak ne’ebé Jesus ko’alia espresa liuhosi kalis katak sarani sira prontu atu partisipa iha Nia terus no prontu tuir Nia ain fatin.

Jornalista: Evaristo Soares Martins

Editór: Xisto Freitas

iklan
iklan

Leave a Reply

iklan
error: Content is protected !!