Kontra atake entre jogadór Santa Cruz FC ho jogadór Sporting de Timor. Imajen Mídia LFA

DILI, 18 juñu 2019 (TATOLI)—Ekipa Santa Cruz FC manán mihis Sporting de Timor ho golu 1-0 liuhusi jogu kontinuasaun Segunda Divizaun Liga Futeból Amadora (LFA) époka 2019 ne’ebé hala’o iha Kampu Demokrasia, Bairru Formosa, Dili, ohin loraik.

Maski manán Sporting maibé ekipa refere kontinua tuur iha liña dezpromosaun (degradasi-termu Indonézia. Enkuantu, Sporting nafatin hamriik iha zona seguru nia mahon.

Sei iha biban ba klube kapitál Dili ne’e, Santa Cruz, atu sai hosi liña dezpromosaun bainhira manán iha jogu ikus ne’ebé sei hasoru FC Lero iha semana oin.

Golu vitória hosi Santa Cruz marka hosi jogadór estranjeiru, Linga Fandun, iha minutu 74. Jogu dirije hosi árbitru Nívio Fernendes, juiz liña Elísio Reis, Cristóvão Alves no árbitru rezerva, Jerónimo Baptista.

Fo hanoin fali katak tabela klasifikasaun provizória grup B lidera hosi DIT FC ho pontu 10, segundu lugár Nagardjo FC ho pontu 7, terseiru lugár Lika-Lika FC ho pontu 6, kuartu lugár Sporting ho pontu 4, kintu lugár FC Lero ho pontu 4 (Sporting ho Lero pontu hanesan maibé diferente golu) no sestu lugár Santa Cruz ho pontu 3.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here