Prezidente Tribunál Rekursu, Deolindo dos Santos. Imajen Tatoli/Egas Cristovão

OE-CUSSE, 18 juñu 2019 (TATOLI)– Prezidente Tribunál Rekursu (PTR), Deolindo dos Santos, husu ba Governu atu indika advogadu hodi akompaña kazál timoroan ne’ebé detidu hela iha autoridade indonézia nia liman.

Kazál timoroan ne’e prende hosi autoridade Servisu Migrasaun Indonézia nian iha Mota-Ain, Distritu Belu, Provínsia Kupang, Timor Osidentál (NTT-sigla indonézia), foin lalais ne’e, tanba lori droga atu ba fa’an iha Kupang.

“Governu maka tenke haree advogadu di’ak ida hodi akompaña sidadaun timoroan na’in rua nia prosesu tomak,” hatete PTR Deolindo dos Santos, ba jornalista sira, Tersa (18/6/2019), iha Aeroportu Internasionál Oe-Cusse “Rota do Sândalo”.

Prosesu krime ida ne’e, PTR Deolindo dos Santos, esplika, Timor-Leste tenke respeita no la’o tuir regra sira Indonézia nian, maibé advogadu ida tenke akompaña kazál timoroan ne’e tanba suspeitu sira tenke submete ba regra no lei ne’ebé vigór iha Indonézia.

“Governu Timor-Leste nia kompeténsia maka atu haree advogadu ida atu ba akompaña sira na’in rua,” hateten Deolindo dos Santos.

Lee mós : http://www.tatoli.tl/2019/06/kona-ba-kazal-ti…sei-koalia-ho-ri/

                  http://www.tatoli.tl/2019/06/pm-taur-ho-pr-lu…oroan-lori-droga/

                 http://www.tatoli.tl/2019/06/komjer-sujere-go…kazal-kazu-droga/ ‎

                http://www.tatoli.tl/2019/06/estadu-tl-presiz…indonezia-prende/

Jornalista        : Zezito Silva

Editór              : Francisco Simões

HAKEREK NO HATÁN

Please enter your comment!
Please enter your name here