Sekretáriu Jerál Fretilin, Marí Alkatiri. Imajen António Gonçalves

OE-CUSSE, 17 juñu 2019 (TATOLI)– Prezidente Autoridade Rejiaun Administrativu Espesiál Oe-Cusse Ambeno (RAEOA), Mari Alkatiri, la preokupa ho rezolusaun ne’ebé hasai hosi Aliansa Mudansa Ba Progresu (AMP), maibé hakarak hatudu rezultadu servisu.

“Ha’u la preokupa ba rezolusaun ne’ebé AMP fó sai, maibé hakarak hatudu rezultadu servisu ba tinan badak de’it,” afirma Mari Alkatiri, hodi hataan jornalista sira, ohin,  hafoin kuda ai-oan iha Lifau.

Mari Alkatiri hateten, AMP  la hasai rezolusaun atu hapara nia servisu, maibé nia mandatu hanesan prezidente Autoridade RAEOA mak sei termina iha loron 30 jullu, tinan ne’e.

“Sira la hapara ha’u nia servisu, maibé ha’u nia mandatu hotu duni iha 30 jullu,” hateten Mari Alkatiri.

“AMP sira atu hasai rezolusaun atus ida ka rua mós ha’u la mai buka moris iha Oe-Cusse. Tanba ne’e maka iha tempu badak ne’e, nu’udar loron importante atu halo festa hodi hatudu rezultadu servisu,” hateten Mari Alkatiri, atuál Sekretáriu Jerál partidu FRETILIN.

Jornalista        : Zezito Silva

Editór              : Francisco Simões

HAKEREK NO HATÁN

Please enter your comment!
Please enter your name here