Prinseza Tailándia, Maha Chakri Sirindhorn, bainhira vizita BSN iha ONGV, ohin. Imajen mídia MS

DILI, 13 juñu 2019 (TATOLI) – Prinseza Tailándia, Maha Chakri Sirindhorn, promete sei apoia Banku ba Raan Nasionál (BSN-sigla portugés).

“Lori Governu nia naran hakarak agradese ba prinseza Maha Chakri Sirindhorn ne’ebé maka mai vizita ona banku de sangue nasionál, mensajen ne’ebé husik hela maka sei halo kooperasaun ida hodi apoia ekipamentu”, katak Élia António de Araújo dos Reis Amaral, ba jornalista sira hafoin simu vizita delegasaun iha Ospitál Nasionál Guido Valadares, ohin.

Vizita ne’e, tuir nia pasu importante ba ministériu atu hametin kooperasaun di’ak liután iha futuru.

Bainaka espesiál ne’e ho ninia delegasaun to’o iha ONGV tuku 10.00, ho transporte Estadu ho marka VIP hakerek VIP Tailándia kór metan, hetan seguransa másima hosi Polísia Nasionál Timór-Leste (PNTL), Unidade Task Force no Polísia Tránzitu, prinseza ne’e mós hetan seguransa espesiál hosi seguransa pesoál alende hosi Tailándia, hosi mós Timór-Leste.

Bainhira prinseza ne’e to’o iha resintu ONGV, besik odamatan salaun BSN simu hosi grupu tradisionál sira ho baku baba-dook no tebe-tebe.

Prinseza ne’e simu hosi Vise Ministra Kuidadu Saúde Primária entrega uluk prezente ba prinseza nu’udar atu agradesimentu no amizade hosi povu Timór-Leste nian ba prinseza no povu Tailándia.

Kuaze minutu 30 Prinseza hamutuk ho delegasaun akompaña hosi reprezentante Governu, dirijente MS no profisionál saúde sira tama ba sala BSN haree besik meiu ne’ebé durante ne’e utiliza hodi fó atendimentu ba povu.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here