Kontra atake bola entre jogadór Nagardjo no jogadór FC Lero. Imajen Mídia LFA

DILI, 13 juñu 2019 (TATOLI)—Jogu kontinuasaun Liga Futebol Amadora (LFA) époka Segunda Divizaun ne’ebé hala’o iha Kampu Demokrasia, Bairru Formosa, Dili, ohin, ekipa FC Nagardjo susesu hadau pontu tolu hafoin lolo FC Lero ho golu 4-2.

Golu hosi Nagardjo marka hosi jogadór Bendito Ximenes (7) iha minutu 14, Taure Kaba (28) iha minutu 22, 59, 69. Entretantu, golu hosi FC Lero prodúz hosi jogadór Jaime Martins (9) iha minutu 8 no Anizio Correia (10) iha minutu  9.

Jogu refere dirije hosi árbitru Francisco Pereira, juiz liña António de Carvalho, Elísio Pinto no árbitru rezerva, Artur Belo.

Tabela klasifikasaun provizóriu hosi Grupu B lidera hosi DIT FC ho pontu 10, segundu lugár Nagardjo ho pontu 7, terseiru lugár Lika-Lika FC ho pontu 6, kuartu lugár Sporting ho pontu 4, kintu lugár Lero ho pontu 4 (Sporting ho Lero pontu hanesan maibé diferente golu) no sestu lugár Santa Cruz ho pontu zero.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here