Jogadór DIT FC selebra vitória iha kampu laran. Imajen Mídia LFA

DILI, 12 juñu 2019 (TATOLI)—Klube Dili Institute of Tehcnology (DIT) tidin Lika-Lika FC ho golu 5-0 iha jogu kontinuasaun Liga Futeból Amadora (LFA) époka 2019 grupu B ne’ebé hala’o iha Kampu Demokrasia, Bairru Formosa, Dili, ohin loraik.

Vitória ne’ebé DIT hetan, lori ekipa ne’e nia ain sorin tama ona iha Primeira Divizaun tanba hela de’it jogu ida hasoru Sporting de Timor atu konfirma vitória loloos. Pontu DIT nian diferente dook hosi ekipa hirak ne’ebé hamahon án iha grupu B.

Golu DIT hatama hosi Lourenço Ximenes iha minutu 1 no 45+1, Celcio Garcia iha minutu 24 no Orcelio da Silva iha minutu 66 no 70.

Jogu refere dirije hosi  árbitru Pedro Carvalho, juiz liña Filomeno da Silva, Eufrásio Silva no árbitru rezerva, Salvador Cabral.

Fó hanoin hikas katak tabela klasifikasaun provizória lidera hosi DIT ho pontu 10, segundu lugár Lika-Lika ho pontu 6, terseiru lugár Sporting ho pontu 4, kuartu lugár Lero ho pontu 4 (Sporting, Lero ho Nagardjo pontu hanesan maibé diferente golu), kintu lugár Nagardjo ho pontu 4 no sestu lugár Santa Cruz ho pontu zero.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here