Ministra Finansa ein ezersísiu, Sara Lobo Brites. Imajen/Jogerjo Guterres.

DILI, 12 juñu 2019 (TATOLI)-Ministra Finansa ein ezersísiu, Sara Lobo Brites, hatete, presiza halo rekrutamentu para reforsa rekursu umanu iha Autoridade Aduaneira (AA) ka Alfándega.

“Presiza halo formasaun no buat sira ne’e sei la’o hela tanba ita mós hatene katak prosesu rekrutamentu mós lori tempu, pur tantu, ida ne’e parte husi reforma ne’ebé Governu hakarak implementa,” hateten Sara Lobo Brites, ohin, bainhira hatán sobre reforma membru iha Alfándega, hafoin soru-mutu Konsellu Ministru iha Palásiu Governu.

Sara Lobo dehan, atu rekruta ne’e lori tempu tanba presiza ema liu postu 50 ho kategoria oioin.

“Ministériu Finansa servisu maka’as loos ida ne’e para bele finaliza no tempu badak depois de aprezenta iha konsellu interministeriál, lansamentu ba rekrutamentu sei la’o, mas ne’e presiza mós servisu hamutuk ho Komisaun Funsaun Públika,” esplika Sara Lobo Brites.

Hatán sobre investigasaun iha Alfándega ba kazu droga ne’ebé bele liuhosi fronteira ne’e, Ministra Finansa dehan, prosesu iha ona instituisaun kompetente ne’ebé halo hela.

“Ami hein relatóriu, kuandu aprezenta, se funsionáriu sira ne’ebé karik envolve nia prosesu sei iha,” afirma Ministra Sara Lobo Brites.

Jornalista      : Maria Auxiliadora

Editór            : Francisco Simões

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here