Ministra Finansa ein ezersísiu, Sara Lobo Brites. Imajen/Egas Cristovão

DILI, 12 juñu 2019 (TATOLI)-Banco Europeu de Investimento (BEI) hakarak apoiu Timor-Leste ho valor osan  Euro millaun lima ba   iha preparasaun investimentu tékniku ne’ebé Governu hakarak implementa.

Ho vontade BEI nian ne’e, ohin, Ministra Finansa ein ezersísiu, Sara Lobo Brites, aprezenta proposta ne’e iha Konsellu Ministru (KM) no   KM  atribui plenu podér atu asina akordu kooperasaun asisténsia téknika entre BEI ho Repúblika Demokrátika Timor-Leste ba Ministra Finansa.

“Banku Investimentu Europeu sira hakarak apoiu ita cinco milhões de euros iha preparasaun ba projetu investimentu tékniku ne’ebé Governu hakarak implementa,” Sara Lobo Brites, informa hafoin soru-mutu KM iha Palásiu Governu.

Atuál Vise-Ministra Finansa ne’e dehan, akordu ne’e nu’udar apoiu tékniku no implementasaun ne’e depende ba Ministériu Transporte no Komunikasaun, Ministériu Obras Públika, Minstériu Saúde, Ministériu Edukasaun ne’ebé hakarak halo estudu ruma ba projetu ne’ebé aliña ho Planu Estratéjiku Dezenvolvimentu no prioridade Governu.

Akordu ida ne’e, tuir Sara Lobo, sei asina iha tempu badak, mas tanba reprezentante Timor-Leste nian hosi BEI iha Dili laiha entaun sei asina depois haruka ba sira asina iha Bruxelas hafoin haruka filafali mai. “Ita sei organiza maneira oinsá maka atu asina,” hateten Ministra Sara Lobo Brites.

Jornalista      : Maria Auxiliadora  

Editór            : Francisco Simões

HAKEREK NO HATÁN

Please enter your comment!
Please enter your name here