Prinseza hosi Reinu Tailándia, Maha Chakri Sirindhorn kaer liman ho Prezidente Repúblika, Francisco Guterres Lú Ol. Imajen/Antonio Goncalves

DILI, 11 juñu 2019(TATOLI)-Prezidente Repúblika, Francisco Guterres Lu Olo,  hato’o  nia sentimentu gratidaun ba Prinseza Reinu Tailándia, Maha Chakri Sirindhorn, relasiona ho apoiu nasaun ne’ebé Tailándia oferese ba Timor Leste liuhosi  forsa manutensaun pás iha tinan 2000 to’o 2003.

Prezidente Repúblika Francisco Guterres Lú Olo  espresa sentimentu nee bainhira simu vizita kortezia prinseza Maha Chakri Sirindhorn, ho ninia delegasaun, ohin, iha Palásiu Prezidensiál, Baíru-Pité, Dili.

“Prezidente espresa ninia gratidaun ba prinseza Tailándia no povu ba sira nia apoiu ba dezenvolvimentu ita nia nasaun liuliu iha area edukasaun no agrikultura,” hatete, Xefe Casa Sivil, Francisco Maria de Vasconselhos ba Jornalista.

Durante estadia iha Timor-Leste, prinseza ho ninia delegasaun sei observa direta apoiu ne’ebé maka fó ba Timor-Leste iha area edukasaun liuliu hasoru malu ho bolseiru sira ne’ebé maka gradua ona no mós iha area edukasaun.

Kona-ba kooperasaun ba futuru, Prezidente Repúblika sei konsulta ho Governu atu estabelese kooperasaun tuir nesesidade no interese nasaun rua nian.

Jornalista      : Agapito dos Santos

Editór            : Francisco Simões

HAKEREK NO HATÁN

Please enter your comment!
Please enter your name here