Kontra atake entre jogadór Nagardjo FC no Santa Cruz FC. Imajen Mídia LFA

DILI, 07 juñu 2019 (TATOLI)—Klube Nagardjo FC hurlele Santa Cruz  FC ho golu 7-0 iha jogu kontinuasaun Segunda Divizaun  Liga Futeból Amadora (LFA) grupu B époka 2019 ne’ebé hala’o iha Kampu Demokrasia, Bairru Formosa, ohin loraik tuku 16:00 otl.

Golu vitória Nagardjo marka hosi jogadór Taure Kaba (28) iha minutu 11, Sebastião do Carmo (91) iha minutu 16, Colin Smoah (8) iha minutu 48, Bendito Ximenes (7) iha minutu 62, Mario Correia (17) iha minutu 79, auto golu ka marka golu rasik ba nia rede hosi jogadór Santa Cruz, Venâcio dos Santos (16) iha minutu 90.

Jogu dirije hosi árbitru Artur Soares, juiz liña Cristóvão Alves, Joviano Reis no árbitru rezerva mak Marito Tavares.

Hosi rezultadu refere, lori kedas Nagardjo sai terseiru lugár ho pontu 4 iha tabela klasifikasaun provizóriu, segundu lugár Sporting Clube de Timor ho pontu 4 (Sporting Clube de Timor diferente golu ho Nagardjo), DIT FC túr iha primeiru lugár ho pontu 6, Lika-Lika FC kuartu lugár ho pontu 3, FC Lero kintu lugár ho pontu 3 (Lika-Lika diferente golu ho Lero), sestu lugár Santa Cruz ho pontu zero.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here