Mapa Bobonaro

BOBONARO, 7 maiu 2019 (TATOLI)—Kondisaun estraga suku 6 hanesan Suku Bobonaro, Aiassa, Malilait, Sibuni, Molop no Lour iha Postu Administrativu Bobonaro, Munisípiu Bobonaro, aat.

“Ami-nia estrada grave tebes. Karik enkontru iha Konsellu Ministru hato’o hela ba,” Administradór Postu Bobonaro, Rui Bere Mau Barros, hameno ba Sekretáriu Estadu Komunikasaun Sosial, Merício Akara, bainhira hala’o diskusaun kona-ba programa ‘Naroman ba Suku’, iha edifísiu Postu Bobonaro, sesta ne’e.

Nia haktuir, kondisaun estrada la di’ak fó impaktu ba movimentu transporte públiku, iha ne’ebé povu atu lori produtu lokál ba kapitál munisípiu susar tebes. “Ami husu governu hadi’a estrada ne’e, nune’e ami halo ami-nia movimentu ho di’ak,” Rui haklaken.

Hatán ba preokupasaun ne’e, Sekretariu Estadu Komunikasaun Sosiál, Merício Akara, hateten estrada importante ba nesesidade hotu-hotu, tan ne’e nia sei transmiti preokupasaun refere ba ministériu relevante.

“VIII Governu iha kompromisu durante mandatu sei rezolve kondisaun estrada ida ne’e. Balun iha ona ajenda no balun tau prioridade iha tempu tuir mai,” nia informa.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here