Sekretáriu Jerál Fretilin, Marí Alkatiri. Imajen António Gonçalves

DILI, 07 juñu 2019 (TATOLI) – Prezidente Autoridade Rejiaun Administrativa Espesiál Oe-cusse Ambeno (RAEOA) no Zona Espesiál Ekonomia Sosiál Merkadu (ZEESM), Marí Alkatiri hasoru malu ho Primeiru-Ministru (PM), Taur Matan Ruak hodi ko’alia kona-ba dezenvolvimentu Oe-cusse.

“Primeiru-Ministru hanesan Primeiru-Ministru fulan barak ona, ami kontaktu nia ho karta de’it. Ha’u hanoin tempu to’o ona atu ko’alia diretamente no informa prosesu dezenvolvimentu iha Oe-cusse, ko’alia mós polítika jerál no polítika nasionál,” haktuir Prezidente Autoridade RAEOA no ZEESM ba jornalista sira iha Palásiu Governu, sesta ne’e.

Nia hatutan: “Enkontru pozitivu tebes no ha’u sai husi ne’e ho konviksaun katak kooperasaun sei bele la’o diak liután.

Nune’e mós Prezidente autoridade ne’e konvida Xefe Governu atu bele partisipa iha V aniversáriu RAEOA iha loron 28 juñu no inaugurasaun Aeroportu Internasionál Oe-cusse.

Nia haktuir, PM hakarak ba maibé tanba  loron 26 juñu nia halo viajen ida, tanba ne’e 28 juñu nia labele partisipa maibé nia sei haruka delegasaun boot husi governu nian.

Jornalista: Julia Chatarina

Editór : Rafy Belo

HAKEREK NO HATÁN

Please enter your comment!
Please enter your name here