Koordenadór pilár hitu COVID-19 Ministériu Saúde, Nilton do Carmo da Silva. Imajen Jogerjo Guterres

DILI, 7 juñu 2019 (TATOLI) – Banku Urjénsia Ospitál Nasionál Guido Valadares (ONGV), iha kinta (6/6/2019, loraik rejista ema na’in 18 ba kazu asidente tráfegu Fatu-ahi ne’ebé rezulta 11 kanek todan tanba halo hela tratamentu intensivu, na’in hitu seluk haruka fila ba uma tanba kmaan.

Pasiente ba akontesimentu ne’e konsege okupa espasu iha sala emerjénsia. “Ami simu moras hamutuk 18, hosi na’in 18 ne’e na’in hitu hafoin ami fó tratamentu no kondisaun di’ak uitoan ami haruka fila, na’in 11 maka baixa”, katak Xefe Departamentu sala emerjénsia ONGV ba TATOLI iha ninia servisu fatin, ohin.

Nia hatutan: “Hosi 11 ami halo kategoria fali iha labarik na’in haat ho idade lima mai kraik hotu kedas. Sira seluk mesak adultu no hosi sira ne’e iha na’in lima mak ruin tohar, hosi sira na’in lima ne’e feto ida tuir ami nia klasifikasaun ne’e grave, tanba tohar iha kabas parte rua hotu halo ran sai barak, maibé agora kondisaun di’ak no tratamentu agora la’o hela”.

Kona-ba fatin iha sala urjénsia la to’o, Nilton da Silva esplika: “Ami nia realidade maka ne’e, pasiente hosi dezastre mai ho tempu hanesan no númeru barak tebes, tempu hanesan simu mós pasiente hosi munisipiu no  balu mai rasik, tanba loron akontesimentu ne’e iha loron feriadu entaun pasiente balu ba hotu ospitál tanba sira hanoin loron feriadu ne’ebé sentru saúde sira taka”.

Maske ho pasiente barak, maibé Nilton afirma maneira  ne’ebé sira uza hanesan pasiente moras la grave, semi grave no grave liu maka ikus mai pasiente sira ne’e konsege hetan hotu tratamentu di’ak hosi médiku sira.

“Nu’udar médiku ami koko uza rekursu tantu rekursu umanu no materiál ne’ebé iha hodi fó atendimentu ba maluk sira ne’ebé presiza. Kama iha sala emerjénsia hamutuk 18 de’it, seidauk sura ho spring bad, kuandu iha pasiente barak maka tau tan ho spring bad neen”, katak nia.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here