Porto Taibessi Vs Cacusan FC. Imajen Mídia LFA

DILI, 06 juñu 2019 (TATOLI)—Klube Porto Taibessi vense Cacusan FC ho golu 2-1 iha jogu kontinuasaun Segunda Divizaun Liga Futeból Amadora (LFA) époka 2019 ne’ebé hala’o iha Kampu Demokrasia, Bairru Formosa, Dili, kinta ne’e.

Golu rua ne’ebé fó vitória ba Porto Taibessi marka hosi jogadór José Ximenes (10) iha minutu 84 no jogadór Frederico Silva (19) iha minutu 87. Entretantu, golu ida ba Cacusan FC atribui hosi avansadu Adino Tilman (94) iha minutu ikus, minutu 90.

Jogu dirije hosi árbitru Romário Tety, juiz liña Jerónimo Baptista, Joviano Reis no árbitru rezerva mak Marito Tavares.

Vitória ne’ebé Porto Taibessi hetan lori klube refere sai terseiru lugár ho pontu 4 iha tabela klasifikasaun provizóriu, FIEL iha pozisaun kuartu lugár ho pontu 4 ( Porto Taibessi diferensa golu ida ho FIEL), Aitana FC kontinua túr iha pozisaun primeiru lugár ho pontu 9, Kablaki FC segundu lugár ho pontu 7, Cacusan kintu lugár ho pontu 1 no Zebra FC sestu lugár ho pontu zero.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here