DILI, 06 juñu 2019 (TATOLI)—Jogadór Nélson Freitas (75) hosi klube Aitana FC, dadaun ne’e sai hanesan mellór markadór provizóriu iha jogu Segunda Divizaun Liga Futeból Amadora (LFA) époka 2019.

Golu ne’ebé Nélson prodúz hahú hosi jogu dahuluk to’o datoluk hamutuk 8 ona, no falta jogu rua atu ramata époka ida nee.

Jogadór seluk ne’ebé mak oras ne’e duni tuir Nélson mak jogadór hosi DIT FC, hosi grupu B, Ruben Borges (30) ne’ebé dadaun ne’e prodúz ona golu 5 hosi jogu rua no husik hela jogu tolu tuir mai.

Hosi golu ne’ebé jogadór timoroan rua ne’e atinje hatudu katak prestasaun timoroan nian iha LFA la’o di’ak uitoan ona maski jogadór estranjeiru barak joga mós iha klube Segunda Divizaun.

Jogadór estranjeiru hirak ne’ebé dadaun ne’e joga iha klube Segunda Divizaun mai hosi nasaun hanesan Gana, Portugal no Indonézia.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here