Vidal de Jesus “Riak Leman". Imajen/Espesiál

DILI, 05 juñu 2019 (TATOLI)—Komisaun Instaladora Konsellu Kombatente Libertasaun Nasionál (KKLN) hahú ona preparasaun dezlokasaun dahuluk ba munisípiu 12 inklui Rejiaun Administrativa Espesiál Oé-Cusse-Ambeno (RAEOA) hodi halo konferénsia munisipál.

“Dezlokasaun dahuluk sei disemina lei ba veteranu sira no harii komisaun organizadora ba kada munisípiu ema nai’n tolu, hodi bele prepara konferénsia no harii Konsellu Munisipál”, tenik reprezentante KKLN, Vidal de Jesus ‘Riak Leman’ ba jornalista sira iha Palásiu Governu, ohin, hafoin hamutuk ho ekipa hala’o enkontru ho Primeiru-Ministru (PM), Taur Matan Ruak hodi aprezenta relatóriu atividade kona-ba Komisaun Instaladora nian.

Riak Leman esplika, bainhira Konsellu Munisipál harii ona iha munisípiu 13 inklui RAEO, mak sei prepara kongresu nasionál ne’ebé sei realiza iha loron 1-3 marsu 2020.

“Primeiru-Ministru fó apoiu tomak no fó parabéns tanba serbisu todan maibé ami ho idade hanesan ne’e bele perkore munisípiu 13 durante fulan ida”, nia haklaken.

Jornalista: Julia Chatarina

Editór: Xisto Freitas

HAKEREK NO HATÁN

Please enter your comment!
Please enter your name here