Ministru Reforma Lejizlativa no asuntu Parlamentár, Fidelis Manuel Leite Magalhães. Imajen Egas Cristóvão

DILI, 05 juñu 2019 (TATOLI) – Institutu Nasionál Administrasaun Públika (INAP) aprezenta Proposta Deliberasaun ba Konsellu Ministru, kona-ba akordu troka nota entre Governu Timor-Leste no Japaun, atu halo estensaun ba kooperasaun Subvensaun husi Ajénsia Kooperasaun Internasionál Japoneza (JICA) ba bolsa-estudu (JDS-Japan Development Scholarship).

Ministru Reforma lejislativa no Asuntu Parlamentár, Fidelis Leite Magalhães informa katak aprezentasaun husi INAP ohin kona-ba kooperasaun ho Ajénsia Dezenvolvimentu Japonez ne’ebé sei fó bolsa-estudu ba funsionáriu sira atu ba foti mestradu iha Univesidade Japaun.

“Bolsu estudu ne’e mai husi Governu Japaun, ne’ebé laiha responsabilidade orsamentál husi parte Timor-Leste nian,” tenik ministru ba jornalista sira iha Palásiu Governu, kuarta ne’e.

Projetu JDS ne’ebé finansia husi Governu Japaun liuhosi JICA, implementa ona iha nasaun 15 ho objektivu atu fó apóiu ba dezenvolvimentu rekursu umanu.

Projetu ne’e kompostu husi Programa Mestradu ba tinan rua iha lian Inglés no fó prioridade liu ba funsionáriu foin sa’e.

Jornalista       : Julia Chatarina

Editór             : Rafy Belo

HAKEREK NO HATÁN

Please enter your comment!
Please enter your name here