DILI, 3 juñu 2019 (TATOLI)—Vise Pezidente Komité Paralímpiku Nasionál Timor-Leste (CPNTL-sigla portugés), Mateus Lucas, informa iha segunda (3/6) ne’e sira haruka ona karta ba Sekretaria Estadu Juventude no Desportu (SEJD) atu prosesa subsídiu ba atleta Teófilo Freitas hosi modalidade Atletizmu.

“Durante ne’e ami halo preparasaun. Ne’ebé dadaun ne’e, hosi administrasaun CPNTL nian lori ba Prezidente CPNTL asina depois lori ba SEJD para prosesa atleta sira-nia subsídiu. Prosesu karta ne’e hosi CPNTL prontu ona,” Mateus Lucas ba Agência TATOLI iha nia kna’ar fatin, ohin.

Nia esplika, subsídiu ne’ebé governu oferese bazeia ba prestasaun atleta ne’ebé hetan medalla iha eventu internasionál.

“Subsídiu ne’e direita ba atleta sira-nia konta bankária. Teóflio hosi Atletizmu no Pascoela Soares hosi Tenis Kampu,” nia informa.

Mateus haklaken, subsídiu entre Teófilo Freitas ho Pascoela Soares diferente, tanba Pascoela hetan terseira lugár no Teófilo hetan primeiru lugár, maibé montante orsamentu ne’e só SEJD mak bele fó-sai.

Tuir deklarasaun Sekretáriu Estadu Juventude no Desportu, Nélio Isaac Sarmento, katak atleta Teófilo Freiras sei hetan osan rihun-atus ida no Pascoela Soares mós sei hetan hotu, maibé Teófilo mak orsamentu boot liu.

 

Jornalista: Evaristo Soares Martins

Editór: Xisto Freitas

Lee mós notísia iha kraik ne’e…

Atleta Teófilo Freitas Sei Simu Subsídiu iha Tempu Badak

HAKEREK NO HATÁN

Please enter your comment!
Please enter your name here