Diretór Jerál Autoridade Aduaneira (AA), José António Fátima Abílio. Imajen/Egas Cristovão

DILI, 31 maiu 2019 (TATOLI)-Diretór Jerál Autoridade Aduaneira (AA), José António Fátima Abílio, apela ba funsionáriu Alfándega ne’ebé servisu iha fronteira katak, lei fó dalan atu AA halo kontrolu ida másimu no lei ne’e baze legál ida forte atu ajuda knaar autoridade nian, tanba ne’e tenke iha sentidu pertense ba nasaun.

“Sentidu pertense ba servisu ne’ebé ita hala’o, ita tenke iha sentidu dehan ne’e ha’u-nia devér atu halo ho objetivu ida katak ha’u-nia área ida ne’e sensitivu no iha kotuk proteje ema barak ne’e, ha’u tenke halo servisu ho loloos, ho responsabilidade másimu, profisionalizmu, integridade, para asegura ema jutaida-resin ne’ebé iha ita-nia kotuk tanba hatene katak Alfándega hanesan odamatan boot,” José António dehan, ohin, iha edifísiu AA, área Palásiu Governu.

Tanba ne’e tenke deskonfia ema sé de’it bainhira lori sasán tama no sai tenke kumpre regra ne’ebé iha. “Tenke liuhosi x-rai, tenke loke ó-nia sasán tenke loke, la’ós liu de’it, ita evita ida ne’e, se ita halo ne’e kontra tiha ona kódigu étika Alfándega nian”.

Diretór Jerál salienta, kódigu étika ne’e ko’alia kona-ba atitude, atendimentu ba públiku, atendimentu ba komérsiu, evita konflitu interese no tratamentu ida ne’ebé la dignu.

Alfándega tenke deskonfia ema hotu ne’ebé lori sasán tama-sai bainhira serbisu iha fronteira atu proteje komunidade kona-ba importasaun merkadoria ilegál ka kontrabandu.

Jornalista      : Maria Auxiliadora

Editór            : Francisco Simões

HAKEREK NO HATÁN

Please enter your comment!
Please enter your name here