Vise MNE Noruega Hasoru PR Lú Olo Ko’alia Programa World fish

0
49
Presidente Repúblika, Francisco Guterres Lu Olo simu prenda hosi Vise Ministra Negosiu Estrainjeiru Noruega, Marianne hagen. Kuarta (8/5/2019). Imajen/Antonio Goncalves

DILI, 08 maiu 2019(TATOLI)-Vise Ministra Negósiu Estranjeiru Reinu Noruega, Marianne hagen, ohin, hasoru malu ho Prezidente Repúblika, Francisco Guterres Lú Olo, hodi diskute kona-ba programa world fish ne’ebé implementa hosi UNDP hodi foka liu ba peska ilegál, hamoos fo’er iha tasi  no problema mudansa klimátika iha Timor Leste.

“Isu Oseanu no mudansa klimátika oinsá atu halo kooperasaun iha futuru”, hateten Vise MNE Noruega, Marianne hagen, ba Jornalista sira hafoin hasoru Xefe Estadu iha Palásiu Prezidente Nicolau Lobato, Bairru Pité, Dili.

Noruega iha interese boot atu halo kooperasaun hodi haree ba isu importante hirak ne’e. Nune’e, Governu Noruega halo hamutuk ho world fish liuhosi implementasaun programa  UNDP nian iha Timor-Leste.

Noruega apoiu orsamentu lubuk ida ba organizasaun world fish ne’ebé implementa hosi UNDP hamutuk ho organizasaun seluk iha Timor-Leste hodi foka liu ba servisu sira iha parte tasi nian maka peska ilegál  no oinsá atu hamoos fo’er hosi tasi no hodi hatene mós dezafiu no situasaun tomak ne’ebé peskadór sira hasoru no mudansa klimátika.

Relasaun servisu nasaun rua antes indesénsia maka sira nia modelu jestaun fundu ba petrolíferu ne’ebé Timor-Leste uza  hanesan modelu ida atu buka aumenta koñesimentu kona-ba oinsá maka atu jere fundu petrolíferu no planu servisu hamutuk ho kompañia Noruega atu dada kadoras mina no gas mai Timor-Leste.

Jornalista   : Agapito dos Santos

Editór         : Francisco Simões

HUSIK IDA HATÁN