SEFOPE Sei Tau Osan iha BNCTL Hodi fó Asesu ba Kréditu

0
165
Sekretáriu Estadu Formasaun Profisionál no Empregu, Julião da Silva. Imajen/Mídia SEFOPE.

DILI, 21 maiu 2019 (TATOLI)-Sekretáriu Estadu Formasaun Profisionál no Empregu (SEFOPE) sei tau osan provizóriu ho montante rihun US$200 iha Banku Nasionál Komérsiu Timor-Leste (BNCTL-sigla portugés)  hodi bele fó asesu ba kréditu.

 “Ami hahú ona ko’alia ho Komisaun Anti Korrupsaun (KAK) para grupu sira ne’ebé asesu kréditu ne’e tenke asina akordu, depois ita sei hala’o auditoria, fulan tolu-tolu, fulan neen sei tun bá buka tuir,” informa Sekretáriu Estadu Formasaun Profisionál no Empregu, Julião da Silva, ohin, bainhira partisipa iha semináriu nasionál sobre empreendedorizmu ne’ebé realiza hosi Institutu ba Apoiu Dezenvolvimentu Emprezariál (IADE) iha salaun Ministériu Finansa, Ai-tarak Laran, Dili.

 “Ne’e hanoin ki’ikoan hela, mas ami sei dezenvolve lai nia kritéria, rekizitu, hanesan ha’u mensiona SEFOPE mesak labele, tenke servisu hamutuk ho ministériu relevante seluk, entaun SEFOPE só fó osan de’it ba grupu, mas seidauk iha skill hanorin kona-ba oinsá ema sai negosiante, entaun tenke ko’alia ho IADE. Osan SEFOPE nian, IADE mak fó hanoin oinsá hasa’e sira-nia kapasidade iha negósiu”.

SEFOPE fó ezemplu, atu halo negósiu iha área karpinteiru nian no sai di’ak tenke iha abilidade hodi bele susesu.

Sobre kréditu ne’e sei fó prioridade uluk ba formadu sira hosi sentru treinamentu sira SEFOPE nian. Segundu prioridade mak maluk sira seluk, mas tenke tuir formasaun nafatin oinsá halo negósiu ne’ebé di’ak no tenke iha lisensa husi SERVE.

Iha SEFOPE halo polítika ida hodi koopera ho KAK para halo monitorizasaun ba ezekusaun orsamentu Estadu ne’e no implementasaun ba kréditu ne’e sei realiza iha tinan ne’e.

Jornalista   : Maria Auxiliadora

Editór         : Francisco Simões

HUSIK IDA HATÁN